நினைத்ததை நினைத்தபடி முடித்துத்தரும் சக்திவாய்ந்த காரைக்குடி முத்துமாரியம்மன் கோவில்

இரண்டு நாட்களுக்கு முன் சிவகங்கை மாவட்டம் காரைக்குடியில் மீனாட்சிபுரம் என்ற இடத்தில்
உள்ள முத்துமாரியம்மன் கோவிலுக்கு அங்கு இருக்கும் உறவினர் ஒருவர் அழைத்ததற்காக சென்று இருந்தேன்.சென்ற வருடமே இந்த கோவில் விழாவுக்கு முதன் முதலில் சென்றிருந்தேன்.அப்போது வேலையின்மையால் சிறிது நேரம் சாமி தரிசனம் செய்துவிட்டு
வந்துவிட்டேன்.இந்த வருடம் கொஞ்சம் வேலையில்லாததால் இந்தகோவிலுக்கு அதே உறவினர் அழைப்பின்பேரில் சென்றிருந்தேன்.எனக்கு தற்போது 31வயதாகிறது என்னுடைய வயதிற்க்கு இப்படி ஒரு கூட்டத்தை மதுரை சித்திரைதிருவிழாவில் கூட கண்டது கிடையாது
சித்திரைவிழாவை கூட கூட்டம் அதிகமாகத்தான் வருகிறது.பல லட்சம் பால்குடங்கள் வருகிறது
மற்ற கோவில்களில் காலையில் விழா ஆரம்பித்து இரவு 1மணிவரை சிறப்பாக நடக்கிறது
இதுபோக தொடர்ந்து கோவிலில் காப்புகட்டுதலில் ஆரம்பித்து 36 நாட்கள் ஆடல் பாடல் அம்மன் வீதியுலா அம்மனுக்கு சிறப்பு அபிசேகம் என மிகப்பிரம்மாண்டமாக நடக்கிறது.குறிப்பிட்ட பால்குடதிருவிழா மிகப்பிரம்மாண்டமாக நடக்கிறது.

இந்த அம்மனை இவ்வளவு சிறப்பாக வழிபடுவதற்க்கு முக்கியகாரணம் .மற்ற கோவில்களுக்கு
உள்ள வரலாறு போல் பல்லாயிரம் ஆண்டுகளுக்கு முன் நடந்த வரலாறு அல்ல.சில பல வருடங்கள்தான் ஆகிறது இக்கோவில் 1960களில்தான் உருவானது இதோ அதன் வரலாறு.

1956ம் ஆண்டில் இந்த ஊருக்கு வந்த ஒரு சிறுமி திடீரென மக்களின் குறைகளை தீர்க்க அம்மன் அருள்வாக்கு சொல்ல ஆரம்பித்தாள் இதை சில நாத்திகவாதிகள் எதிர்த்தனர்.இந்தசிறுமிக்கு சின்னம்மை நோய் ஏற்பட்டது.இருந்தாலும் அந்த சிறுமி அருள்வாக்கு சொல்வதை நிறுத்தவில்லை.திடீரென சின்னம்மை நோய் பெரியம்மை நோயாக மாறியது சிறுமி இறக்கும் தருவாயில் கூட அருள்வாக்கு சொல்வதை நிறுத்தவில்லை.சிறுமி இறக்கும் தருவாயில் அவரை கேலிசெய்த ஒரு நபர் மிகுந்த கஷ்டத்துடன் வந்தார் தீராநோயுடன் வந்த நபரிடம் சிறுமி சொன்னாள்.உன் வீட்டின் கிணற்றடியில் வடமேற்கில் ஒரு தக்காளிசெடி உள்ளது அதில் ஒரு தக்காளிபழத்தை எனக்கு கொண்டுவந்துதா என சொன்னாள்
வந்தவருக்கு ஒன்றும் புரியவில்லை.என் வீட்டில் தக்காளி செடியே இல்லையே என்று சொன்னார்.நான் சொன்ன இடத்தில் சென்றுபார் இருக்கும் என்றாள்.உடனே அந்த நபர் வீட்டுக்கு விரைந்து சென்றுபார்த்தபோது கண்ணுக்கே தெரியாத அளவிற்க்கு சிறு தக்காளி செடி முளைத்திருந்தது அதில் ஒரே ஒரு தக்காளிபழம் இருந்தது.அந்த நபருக்கு ஒரே ஆச்சரியம் பழத்தை எடுத்துகொண்டு சிறுமியிடம் சென்று கொடுத்தார்.அந்த நபருக்கு ஓரிரு நாட்களில் அவருக்கு இருந்த நோய் முற்றிலும் குணமானது.அந்த சிறுமிக்கு பெரியம்மை முற்றியது இறக்கும் தருவாயில் ஊர் மக்களை அழைத்த சிறுமி நான் மறைந்த பிறகு இந்த இடத்தில் அம்மனுக்கு ஒரு புது ஆலயம் எழுப்புங்கள் உங்களது அனைத்து பிரச்னைகளில் இருந்தும் நான் உங்களை காப்பேன் என்றாள் அதன் படியே கோவில் எழுப்பபட்டது.இந்த ஊரில் மிக சக்திவாய்ந்த அம்மனாக இவளிருக்கிறாள்.வருடத்தின் பல நாட்கள் இந்த அம்மனுக்கு குளிர்ச்சி சார்ந்த அபிசேகங்களே நடைபெறுவதால் இந்த அம்மனுக்கு சீதளா தேவி என்ற பெயரும் உண்டு
இந்த அம்மனை பற்றி நான் சொல்வதை விட நீங்களே வந்து இந்த அம்மனின் சக்தியை நேரில் உணர்ந்தால் நன்றாக இருக்கும் .நம்பிகையுடன் வழிபடுபவர்களுக்கு நல்ல வழியை நிச்சயம் ஏற்படுத்திகொடுக்கிறாள் என்பதை இங்கு வரும் கட்டுக்கடங்காத கூட்டத்தை வைத்தே உணரமுடியும் என்பது நிச்சயமான உண்மை.

நவக்கிரக கோவில்கள் ஒரு பார்வை

திங்களூர்

சந்திரனுக்கு உரிய ஸ்தலம் இது.இது தஞ்சாவூருக்கு மிக அருகில் உள்ளது சந்திரன் மனோகாரகன் எப்போதும் குழப்பநிலையில் வைத்திருப்பவன் ஜாதகத்தில் சந்திரன் வீக்காக இருப்போர் இங்கு சென்று வழிபாடு செய்யலாம்.

நாம் வாழும் வாழ்க்கையில் ஏற்படும் இன்ப துன்பங்கள் அனைத்திற்க்கும் காரணம் நவக்கிரகங்கள்தான் நவக்கிரகவழிபாட்டை சரியாகசெய்தால்தான் வாழ்க்கையில் ஏற்படும் தடைகளை உடைக்கமுடியும் சிலர் இதுபோன்ற விஷயங்களுக்கு எதிராக நாத்திகம் பேசுவர்
அவர்களையெல்லாம் விட்டுத்தள்ளிவிடுங்கள்.தமிழ்நாட்டில் நாத்திகம் பேசும் ஒரு முன்னணித்தலைவர் ஒருவர் கூட மஞ்சள் துண்டு அணிகிறார்.குரு பார்க்க கோடி நன்மை என்பர்
குருபகவான் ஒருவர் ஜாதகத்தில் நல்லநிலையில் இருந்தால் அவர் நல்ல நிலையை அடையலாம்.இந்த விஷயம் தெரிந்துதான்  தகுந்த ஜோதிட ஆலோசகர்களின்  ஆலோசனையின் பேரில் மஞ்சள் துண்டு அணிகிறார் .மஞ்சள் நிறம் குருபகவானுக்கு உகந்தது
அதனடிப்படையில் இந்த நிறத்தை சேர்த்துக்கொண்டால் நல்ல நிலையை அடையலாம் .

தமிழ்நாட்டில் சேர சோழ பாண்டிய மன்னர்கள் பல கோவில்களை கட்டினர் அவற்றில் தஞ்சை பகுதிகளை ஆண்ட சோழமன்னர்களும் சரபோஜி மன்னர்களும் பலவிதமான சிவாலயங்களை கட்டினர்.ஓவ்வொரு கோவிலுக்கும் ஒரு வரலாறு உண்டு தஞ்சை மாவட்டத்தை சுற்றித்தான்
அனைத்து நவக்கிரககோவில்களும் உள்ளது அவை என்ன என்ன என்று பார்ப்போம்

குருபகவான்

இவருக்கு கோவில் கும்பகோணத்தில் இருந்து  17 கிமீ தூரத்தில் ஆலங்குடி என்னும் கிராமத்தில்
அமைந்துள்ளது.இங்குள்ள சிவன்கோவிலில் தனிசன்னதி உள்ளது.குருபெயர்ச்சியன்று இக்கோவிலில் கூட்டம் அலைமோதும் குருபகவானை வியாழக்கிழமையன்று இங்கு வழிபட்டால் மிகுந்த நலம் பயக்கும் கும்பகோணம் நகரத்திற்க்கு வந்து அங்கிருந்து செல்வது
சிறந்தது

சனீஸ்வரர்

சனீஸ்வரருக்கு சன்னதி காரைக்கால் அருகே திருநள்ளாறுவில் அமைந்துள்ளது நளமகராஜாவுக்கு சனிதோஷம் நீங்கிய இடமிது.பாண்டிச்சேரி மாநிலம் காரைக்காலில் இருந்து
அருகில் உள்ளது.கும்பகோணம் அல்லது நாகப்பட்டினத்தில் இருந்து செல்வது சிறந்தது

ராகு


ராகு தோஷம் மிககொடிய தோஷம் சிலருக்கு சீக்கிரம் திருமணமாகாது திருமணமானாலும்
குழந்தை உண்டாவதில் சிக்கல்.மேலும் கால சர்ப்பதோஷம் எனசொல்லக்கூடிய தோஷமானது ஒருவரை ஆயுள் வரை நிம்மதி இழக்கவைத்து விடும் இப்படிப்பட்ட துன்பங்கள்
உடையோர் ராகு கேது தோஷ நிவர்த்தி செய்ய வேண்டும் ஒவ்வொரு ராகு காலத்திலும் குறிப்பாக வெள்ளி ஞாயிறு அன்று ராகு காலத்தில் நடக்கும் சிறப்புபூஜையில் கலந்து கொண்டால் ராகுதோஷம் நீங்கும் என்பது ஐதீகம்.ராகுவுக்கு கும்பகோணத்தில் இருந்து ஆறு
கிலோமீட்டர் தூரத்தில் உள்ள திருநாகேஸ்வரம் சிறப்பான தலமாகும்.



கேது

கேதுவுக்கு உரிய பரிகாரம் மேற்கொள்வோர் நாகை மாவட்டம் பூம்புகார் அருகேயுள்ள கீழ்பெரும்பள்ளம் என்ற இடத்தில் உள்ள கேது ஸ்தலத்தில் வழிபாடு செய்வது கேதுவினால்
ஏற்படும் கடும் துன்பங்களை குறைக்கும்

புதன்

பூம்புகார் அருகிலேயே திருவெண்காடு அமைந்துள்ளது இங்குதான் புதன் ஸ்தலம் உள்ளது
குழந்தையில்லாதவர்கள்.சரியாக படிக்காத குழந்தைகள் இங்கு வேண்டிக்கொள்வது சிறப்பு

சூரியன்

சூரியனால் உடல் உஷ்ணம் சம்பந்தப்பட்ட நோய்கள் பலவித நோய்களுக்கு ஆளாக வேண்டிய‌
சூழ்நிலை வரும் ஒருவர் ஜாதகத்தில் சூரியன் மிக வீக்காக இருந்தால் இங்கு சென்று வ்ழிபடலாம்.கும்பகோணம் அருகே ஆடுதுறை என்ற இடத்தில் சூரியனார் கோவில் உள்ளது

சுக்கிரன்

ஒருவர் ஜாதகத்தில் வறுமை நிலை தாண்டவமாடுபவர்கள் செல்வசெழிப்பை பெறுவதற்காக‌
சுக்கிரவ்ழிபாடு செய்யப்படுகிறது சூரியனார் கோவிலில் இருந்து 6கிமீ தூரத்தில் இக்கோவில் அமைந்துள்ளது

செவ்வாய்

ஒருவர் ஜாதகத்தில் செவ்வாய் வீக்காக இருந்தால் இரண்டு மனைவிகள் அமைவதற்க்கு கூட‌
வாய்ப்புண்டு அப்படிப்பட்டவர்கள் கும்பகோணத்தில் இருந்து சிதம்பரம் செல்லும் வழியில்
உள்ள வைத்தீஸ்வரன் கோவிலில் செவ்வாய்க்கு உள்ள தனி சன்னதியில் வழிபாடு செய்யவேண்டும்


குறிப்பு:அனைவரும் கும்பகோணம் சென்று அங்கிருந்து இந்த கோவில்களுக்கு செல்வதே
சிறந்தது.குருபகவானுக்கு இங்குள்ள சுவாமிமலையிலும் ராகு பகவானுக்கு இங்குள்ள பட்டீஸ்வரம் துர்க்கை அம்மன் கோவிலில் வழிபட்டாலும் இவர்களை வணங்கிய பலன் கிடைக்கும் கும்பகோணத்திற்க்கு மிக அருகில் உள்ளதால் இங்கும் சென்று வரலாம்.

பறந்து சென்றே சதுரகிரியிலும் கதிர்காமத்திலும் சுவாமி தரிசனம் செய்த சித்தர் முனியாண்டி சுவாமிகள்

மதுரைதிருமங்கலம் அருகே கே.ரங்கபாளையம் என்ற ஊரை சேர்ந்தவர் சித்துவிளையாட்டுக்களில் கை தேர்ந்தவர் இவர் .இவர் சதுரகிரிமலைக்கு அடிக்கடி சென்று வருவார்.அங்குள்ள சுந்தரமகாலிங்கம் சன்னதியில் தனியாக சுவாமியுடன் பேசுவதில் வல்லமை பெற்ற சக்தி வாய்ந்த மகான் இவர்.இவர் சதுரகிரிக்கு மட்டுமல்லாமல் இலங்கையில் உள்ள கதிர்காமத்திற்க்கும் வடநாட்டில் உள்ள மதுராவிற்க்கும் ஆகாய பயணம் மேற்கொள்பவர்
இவரின் பக்தர் ஓய்வுபெற்ற டெப்டிகலெக்டர் விஸ்வநாதன் என்பவர் இவருடன் இருந்த‌அனுபவத்தை நம்முடன் பகிர்ந்து கொள்கிறார்.

ஒருமுறை நானும் சுவாமிகளும் திருமங்கலம் அருகேயுள்ள ரங்கபாளையம் கிராமத்தில் அமர்ந்து இருந்தோம்.அப்போது மணி 9மணி இருக்கும் சதுரகிரியில் சுந்தரமகாலிங்கத்தை தரிசிக்கவேண்டும் என்று தோன்றுகிறது.ஆனால் இந்நேரத்தில் அங்கு செல்வது மிகச்சிரமமான விஷயம் இங்கிருந்து கிருஷ்ணன் கோவில் சென்று அங்கிருந்து வத்திராயிருப்பு சென்று அங்கிருந்து தாணிப்பாறை அடிவாரத்திற்க்கு சென்று அங்கிருந்து மலை ஏறுவதற்க்கு எப்படியும்
ஏழெட்டு மணிநேரம் ஆகிவிடும் பஸ்வசதியில்லாத காலம் வேறு .சுவாமிகள் சற்று நேரம் என்னை பார்த்தார் என் கையை பிடித்துகொள்ளுங்கள் சதுரகிரிக்கு 5 நிமிடத்தில் கொண்டுபோய் சேர்க்கிறேன் என்றார்.நானும் அரைநம்பிக்கையோடு அவர் கையைபிடித்தேன் ஏதோ மயக்கநிலையில் இருப்பதைபோல் உணர்ந்தேன்.அடுத்த 5 நிமிடத்தில் சுந்தரமகாலிங்கம் சன்னதியில் உட்கார்ந்து இருந்தேன் என்னால் அந்த சிலிர்ப்பான அனுபவத்தை இன்று வரை மறக்க முடியவில்லை என்று கூறுகிறார் இந்த விஸ்வநாதன்

எனது வாழ்க்கையில் அவர் பல அற்புதங்களை நிகழ்த்தியிருக்கிறார். ”ஒருமுறை நாங்கள் குடும்பத்தோடு சென்ற கார் பள்ளத்தில் உருண்டு விழ… எங்களுக்கு ஒரு சிறு அடி,காயம்

இல்லாமல் காப்பாற்றியது சித்தர் முனியாண்டிதான் “ என்று பெருமிதாய் கூறுகிறார் டெப்டி

கலெக்டர் கொ.வெ. விஸ்வநாதன்.

சித்தர் முனியாண்டி மிகவும் சக்தி வாய்ந்தவர்.அவர் உடல் பாகங்கள் பிரிந்து சேருவதைப்

போலவே அவர் உடல் அமைப்பு மினுமினுப்பான நிலையில் இருக்கும். ஒரு சொட்டு தண்ணீர்

கூட அவர் உடல் மீது நிற்காது.அவர் கிணற்று நீரில் குதித்து மேலே வந்தால் அவர் உடலில்

ஒரு சிறு துளி நீரைக்கூட பார்க்க முடியாது. தலைமுடி உலர்ந்தது போலவே இருக்கும்.

சித்தர் முனியாண்டிக்கு மூலிகைகளைப் பற்றி இரகசியமும் தெரியும். காசநோய், புற்றுநோர்,

தீராத வயிற்று வலி என பல நோயாளிகளுக்கு கண்ணில் படும் மூலிகை இலைகளை கொடுத்து குணமாக்கியிருக்கிறார். மஞ்சள் காமாலை முற்றி டாக்டர்களால் கைவிடப்பட்ட சிறுமையை ஒரு எலுமிச்சம் பழத்தால் குணப்படுத்தி இருக்கிறார். இது போல் தன்னை நாடிவரும் அன்பர்களை எப்போதும் கைவிடாமல் காப்பாற்றுவார்.

சித்தர் முனியாண்டிக்கு பறக்கும் சக்தி இருப்பது போல காற்றாய் மறையும் சக்தியும் இருந்தது.

ஒருமுறை சித்தர் முனியாண்டி மதுரை மீனாட்சி அம்மன் கோவிலின் வெளிப்பிரகாரத்தில்

நின்று மீனாட்சி அம்மனை தொழுதுகொண்டிருந்த போது ,ஒரு பித்தனை போன்ற நிலையிலிருந்த சித்தரை பார்த்த காவலர்கள் அவரை சந்தேகத்தின் பேரில் அவரை கைது செய்ய அவர் திமிறினாராம். உடனே அவர் கையில் விலங்கிட்டார்கள்.



சித்தர் முனியாண்டி அவர்களை பார்த்து சிரித்துக்கொண்டே “இந்த உலகத்தில் எனக்கு பூட்டா….,

முடியாது …? என சொல்லிக்கொண்டே சட்டென மறைந்து போனார்.அவரின் சக்தியை உணர்ந்து திடுக்கிட்ட காவலர்கள் தங்களை மன்னிக்கும்படி வேண்டுதல் செய்ய அவர் முன் கைவிலங்கு

வந்து விழுந்ததாம்.

அதேபோல் திண்டுக்கல்லில் ஒரு ஓட்டலின் முன்பாக சித்தர் முனியாண்டி நிற்க, உள்ளிருந்த சிப்பந்திகள் “அந்த பரதேசியை கடைக்குள் விடாதீர்கள்.., அப்படியே விரட்டுவிடுங்கள்.. “ என்று சொல்லிக்கொண்டே அவரை நெருங்கினர்.ஆனால் என்ன அதிசயம்! அவர்கள் சித்தர் முனியாண்டி
நெருங்கிய நொடியில் அவர்களின் கண்களில் பளீர் என் மின்னல் வெட்டியது போல் வெளிச்சம் தோன்றி மறைந்தது.அடுத்த நொடி அவர்கள் கண் திறந்த போது எதிரே பரதேசி கோலத்திலிருந்த சித்தர் முனியாண்டி இப்போது பெரிய செல்வந்தர் போன்று கோட், சூட் சகிதமாக நின்று கொண்டிருந்தார். இதைக்கண்டு அதிர்ந்த சிப்பந்திகளும் சுற்றி இருந்தவர்களும் சித்தர்

முனியாண்டி ஆச்சரியமாக பார்க்க அவர் “ என்ன பண்றது பரதேசி கோலத்திலிருந்ததால் கடைக்குள்ளே விடாம துரத்தப்பார்த்தார்கள், அதான் இப்படி மாறிவிட்டேன். இனிமேல்

உடையை மட்டும் பார்க்காதீர்கள், மனிதனை பாருங்க,. மனசைப் பாருங்க..” என்று

சொல்லிவிட்டு ஓட்டலுக்கு செல்லாமலே நகர்ந்துவிட்டார்.சித்தர் முனியாண்டி இவரைப் போன்றஏ பலருக்கும் பலவித அற்புதங்களை நிகழ்த்தியிருக்கிறார்.
1989 –ம் ஆண்டு சமாதி நிலை அடைந்த சித்தரின் சமாதி கே. ரெங்கபாளைத்தில் அவரது

நிலத்தில் அமைந்துள்ளது. அவரது சமாதிக்கு சென்று மனதார தொழுதால் நினைத்தது

நடக்கும் என்கிறார்கள் அவரின் பக்தர்கள்.

இறைச்சி சாப்பிடுபவரை திருத்திய சாண்டோ சின்னப்பா தேவரின் ஆன்மா

தினமும் கோவில்களில் ஆடு வெட்டுதல்.கோழி வெட்டுதல் என்று தற்போதைய காலங்களில் மிகவும் அதிகமாகிவிட்டது.தனக்கு ஒரு பிரச்சினை என்றால் கருப்பசாமிக்கோ ,மாடசாமிக்கோ
கிடா வெட்டுகிறேன் என்று வேண்டிகொள்கின்றனர்.உண்மையில் எந்தச்சாமியும் எனக்கு ஆடு வெட்டு என்றும் கோழிவெட்டு என்றோ யாரையும் கேட்பதில்லை.இவர்களாக வலிய சென்று இது போலசெயல்களில் ஈடுபட்டு மேலும் மேலும் பாவத்தை தேடி பிரச்சினையை பெரிதாக்கி கொள்கின்றனர்,மகாத்மா காந்தி,வள்ளலார்,அன்னை தெரசா போன்ற அஹிம்சாவாதிகள் வாழ்ந்த நாடு ஒரு ஜீவனை வதைத்தால் அடுத்த பிறவியில் மிக மோசமான தெருநாயாகவோ பன்றியாகவோ பிறந்து குடிக்க தண்ணீர் கூட கிடைக்காமல் கஷ்டப்படுவோம் என்பது பலருக்கும் தெரிவதில்லை மனித உயிர்போல அனைத்து உயிர்களும் உயிர்களே உயிரினங்களை வதைத்தால் கொடிய நரகத்தில் தள்ளப்படுவோம் என கருடபுராணம் எச்சரிக்கிறது.இந்துக்களின்
புனிதமான மஹாலட்சுமியின் அம்சமான பசுமாட்டை சிலர் கொல்கின்றனர்.  அழகிய பொன்னாக்குடி என்ற ஊரில் நடந்த நிகழ்ச்சி ஒன்றை பிரதோஷ நேரத்தில் அம்மா என்றழைத்த நந்தி என்ற தலைப்பில் இரண்டு மாதங்களுக்கு முன் ஒரு கட்டுரை வெளியிட்டு உள்ளேன் முடிந்தால் அனைவரும் பாருங்கள்.இனி விஷயத்திற்க்கு வருகிறேன்

சாண்டோ சின்னப்பா தேவர் மிகச்சிறந்த சினிமா தயாரிப்பாளர் யானை குதிரை பாம்பு என விலங்குகளை வைத்து தேவர் பிலிம்ஸ் என்ற பெயரில் படமெடுத்த சிறந்த படைப்பாளி.எல்லாவற்றுக்கும் மேல் இவர் நல்ல மனிதர் முருகபக்தர். மருதமலை முருகன் மீது அளவு கடந்த பிரியமுள்ளவர்.புலால் உண்பதை வெறுத்தவர்.இவரின் தெய்வம்,திருவருள்,வெள்ளிக்கிழமை விரதம் போன்ற படங்கள் முருகனின் சிறப்புக்களையும்
இறை நம்பிக்கையை வளர்ப்பதாகவும் வந்தன.இவர் மறைந்த பிறகு ஆவிகள் உலக பயிற்சி பெற்ற மீடியங்கள் இவர் ஆன்மாவை அழைத்து பேசுவர்.ஒருமுறை தனது சகோதரிக்கு திருமணம் நடப்பது விசயமாக ஆவிகள் பயிற்சி பெற்றவரிடம் வந்திருந்தார் ஒரு அன்பர். சின்னப்பாதேவரின் ஆன்மாவை கூப்பிட அவரும் வந்தார் தங்கை திருமணம் தடைபடுவதற்க்கு உரிய சில காரணங்களை சொல்லி சில கோவில்களின் பெயரையும் அங்கு சென்று வரசொன்னார்
அதோடு நீ இறைச்சிசாப்பிடுபவன். என்று புலால் உண்பதை நிறுத்துகிறாயோ அன்றே உனக்கு உன் பிரச்னைகள் தீரும்.அது வரை உன் பிரச்னைகள் உன்னை வாட்டிகொண்டே இருக்கும் என்றார்.அன்றே அந்த நண்பர் புலால் உண்பதை நிறுத்திவிட்டார்.ஒரு காலத்தில் இறைநம்பிக்கையே இல்லாத மனிதர் அவர். சாண்டோ சின்னப்பா தேவரின் சொல் கேட்டு
இன்றுவரை இறைச்சியை கையால் தொடுவதில்லை.தேவருக்கு நன்றி செலுத்தும் வகையில் நடந்தே மருதமலை முருகன் கோவிலுக்கும் செல்கிறார்.அவரின் சகோதரியும் இப்போது
கல்யாணமாகி நல்ல நிலையில் உள்ளார்.இது போல இன்றும் தன்னை அழைத்து மீடியத்திடம்
தன் பிரச்னைகளுக்கு விபரம் கேட்பவர்களை புலால் உண்ணாமையின் மகத்துவம் குறித்து
எடுத்துசொல்லி வருகிறார் சின்னப்பா தேவர் அவர்கள். வாழும்போது மட்டும் அல்லாமல் வாழ்ந்து முடிந்த பின்னரும் நற்சேவை செய்யும் சின்னப்பா தேவர் போற்றுதலுக்குரியவர்.

அனைவரும் எளிமையான முறையில் ஜோதிடம் கற்றுக்கொள்ள எளிய வழி

ஜோதிடக்கலை என்பது ஒரு அரிய கலையாகும்.ஒரு காலத்தில் மிகப்பெரிய பண்டிதர்களுக்கு மட்டுமே தெரிந்த இந்த கலை தற்போதைய நவீன யுகத்தில் அனைவரும் எளிதாக தெரிந்து கொள்ளும் வகையில் பல புத்தகங்கள் வந்துவிட்டது.பல ஜோதிட பயிற்சி வகுப்புகளும் நடந்து வருகிறது.இவற்றிர்கெல்லாம் செல்ல முடியாதவர்கள் வீட்டில் இருந்த படியே ஜோதிடம் பயில்வதற்காக இணையத்தில் சுப்பையா வாத்தியார் என்பவர் ஓவ்வொரு பிரிவாக பிரித்து பாடத்தொகுப்பாக வைத்துள்ளார்.இதை படித்து புரிந்து நீங்களும் ஜோதிடராக வாழ்த்துக்கள்

குறிப்பு: முன் ஜென்ம நல்ல காரியம் செய்தவர்களால் தான் இந்த ஜோதிடக்கலையை பயில முடியும்.ஜாதகத்தில் இக்கலையை பயில்வதற்க்கு உரிய யோகமும் இருக்க வேண்டும் அதை பார்க்க இங்கு சொடுக்குங்கள்

கருடபுராணம் படிக்க‌

நடிகர் விக்ரம் நடித்த அன்னியன் திரைப்படத்தை பார்த்திருப்பீர்கள்.அதில் கொலை செய்தவருக்கு,அடுத்தவருக்கு உதவி செய்யாமல் சென்றவருக்கு வித விதமான தண்டனைகளை தருவார்.கும்பிபாகம் என்றும் கிருமிபோஜனம் என்றும் ஓவ்வொரு தண்டனைகளுக்கும் விதவிதமான பெயர் இருக்கும்.இந்து தர்மத்தில் இறந்தவுடன் ஒருவர் எங்கே செல்கிறார் நரகம் சொர்க்கம் அங்கு தரும் தண்டனைகள் பற்றி விளக்குவதே இந்த கருடபுராணம் அப்படிப்பட்ட தண்டனைகளையே திரைப்படங்களில் இயக்கியிருப்பார் இயக்குனர் சங்கர்.கருடபுராணத்தை முழுமையாக தெரிந்து கொள்ள தமிழில் ஒரு தளம் இயக்குகிறது அதை பார்க்க இங்கு சொடுக்குங்கள்.

ஓம் சிவ சிவ ஓம் சொல்லியதால் இறைவன் எனக்கு வழங்கிய பரிசு

ஆன்மிகக்கடல் வலைத்தளம் நடத்தும் அண்ணன் வீரமுனியின் வழிகாட்டுதலின்படி சில நாட்களாக ஓம் சிவ சிவ ஓம் சொல்லி வருகிறேன் இதை என்னால் தொடர்ந்து சொல்ல முடியவில்லை.சமீபத்தில் சிவராத்திரியன்று ராமேஸ்வரம் கோவிலுக்கு சென்றிருந்தேன் சிவராத்திரியன்று ஏதாவது சித்தர்கள் மகான்களின் ஜீவசமாதியில் உட்கார்ந்து ஓம் சிவ சிவ ஓம்
சொல்லுவதால் உண்டாகும் நன்மைபற்றி வீரமுனி அண்ணன் பல கட்டுரைகளில் விளக்கியிருந்தார்.சிவராத்திரியன்று வெளியிடப்பட்ட சிறப்புக்கட்டுரையிலும் விளக்கியிருந்தார்
சிவராத்திரியன்று சங்கரன்கோவில் அருகே பாம்புகோவிலுக்கு வந்து ஓம்சிவ சிவ ஓம் சொல்லும்படி கேட்டிருந்தார்.நான் அங்கு செல்வது தூரம் என்பதால் என் ஊருக்கு மிக அருகில் உள்ள ராமேஸ்வரத்திலே சிவராத்திரி கொண்டாட்டத்தில் கலந்து கொள்வது என முடிவுசெய்து
கோவிலுக்கு சென்றிருந்தேன்.கூட்டம் சற்று அதிகமாக இருந்தது.கூட்டத்தில் வரிசையில் சாமி
தரிசனம் செய்தேன் ராமநாதருக்கு பல வித அபிசேகங்கள் ஆராதனைகள் நடந்துகொண்டிருந்தது
நான் கையோடு கொண்டு சென்று இருந்த ஓம்சிவ சிவ ஓம் நோட்டிஸ்களை வந்திருந்த அனைவருக்கும் வழங்கினேன்.அப்படியே அருகிலிருந்த பர்வதவர்த்தினியம்மனையும் வணங்கிவிட்டு நேராக நடராஜர் சன்னதிக்கு பின்புறமுள்ள பதஞ்சலி முனிவர் பீடத்திற்க்கு
சென்றோம்.பதினெட்டு சித்தர்களில் ஒருவரான பதஞ்சலி முனிவர் ஜீவசமாதி இது.இங்கு உட்கார்ந்து ஓம் சிவ சிவ ஓம் சொல்வது என முடிவு செய்து மஞ்சள் துண்டு விரித்து மஞ்சள் ஆடை அணிந்து உட்கார்ந்து சொல்லதுவங்கினேன்.அரைமணிநேரம் சொல்லி முடித்தேன் பக்கத்தில் ஒருவர் உட்கார்ந்து இருந்தார் நீங்கள்தானே அங்கு நோட்டீஸ் கொடுத்தது என பேச்சை ஆரம்பித்தார் .ஆமாம் என்றேன் அவரும் ஆன்மிகக்கடல் படிப்பேன் ஓம் சிவ சிவ ஓம்

நானும் தினமும் சொல்லிகொண்டுவருகிறேன் எனவும் சொன்னார்.அந்த நண்பருக்கு ஒரு 28 வயதே இருக்கும்.அந்த இளைஞர் திருச்சூரை பூர்விகமாக கொண்ட மலையாளி.தாங்கள் மூன்று தலைமுறைக்கு முன் வந்து ராமேஸ்வரத்தில் டீக்கடை நடத்திவருவதாக குறிப்பிட்டார்.அந்த அன்பருக்கு ஆன்மிகத்தில் அளவுக்கதிகமாக ஈடுபாடு உண்டு.ராமேஸ்வரத்தில் பொய் சொல்லி
காசு பார்க்கும் ஆட்டோக்காரர்களையும்,யாத்திரை பணியாளர்களையும்,இல்லாதவர்களிடம் கூட காசைபிடுங்கி ஹோமம் நடத்தி ஒரு நாளைக்கு 10ஆயிரம் 15 ஆயிரம் சம்பாதிக்கும் இரக்கமற்ற அர்ச்சகர்களையும் நினைத்து மிகவும் கோபப்பட்டு வருந்தினார் அந்தக்காலத்தில்
காய்கறிகளையும் சிறிதளவு பணத்தையும் வாங்கிகொண்டு ஹோமம்,திதி முதலியவற்றை
சிறப்பாக செய்துகொடுத்தனர் இன்றோ கலிமுத்தி விட்டதால் காசுக்காக கடமைக்கு மந்திரம்
சொல்பவர்கள் பெருகிவிட்டார்கள்.அவர்கள் மந்திரம் சொல்லும்போதேஇறை சிந்தனையை விட‌ காசு சிந்தனைதான் அவர்களுக்கு மேலோங்குகிறது.எப்பொழுது ஹோமம்  செய்து விட்டு
வீட்டிற்க்கு காசு வாங்கி செல்வது என்றே அவர்கள் நினைக்கின்றனர்.இதனால் ராமேஸ்வரத்திற்க்கு கஷ்டப்பட்டு வந்து முன்னோர் திதி தர்ப்பணம் செய்பவர்கள் முழுமன திருப்தி இல்லாமல் செல்கின்றனர்.மேலும் அவர்கள் திதி கொடுத்த ஆத்மாக்கள் சரியாக மனச்சாந்தி அடையாமல் அவர் குடும்பம் துன்பத்தில் மூழ்கும் சூழ்நிலை உள்ளது என வருத்தப்பட்டார்.இறை சிந்தனையுடைய நல்ல பிராமணர்களும்சிலர் இருக்கத்தான் செய்கின்றனர்
எனவும் குறிப்பிட்டார்.

அப்போது சிலர் ராமநாதசுவாமிக்கு அபிசேகம் செய்வதற்காக குடத்தில் தீர்த்தம் எடுத்து சென்றனர்.அவர்களையும் நினைத்து அந்த நண்பர் பரிதாபப்பட்டார்,ராமேஸ்வரத்தில் அட்டகாசம் செய்பவர்களில் இவர்கள் நம்பர் ஒன் .பல வித தொழில்கள் செய்து பணக்காரர்களாக உள்ளதால் இவர்களுக்குத்தான் கோவிலில் முதல் மரியாதை என வருத்தப்பட்டார்.நான் அந்த நண்பரிடம் சொன்னேன் இறைவனுக்கு யாருக்கு எப்போது
எதைகொடுக்கவேண்டும் என்று தெரியும் இதுபோல அநியாயங்கள் பல செய்து சிவராத்திரி அன்று மட்டும் சுவாமிக்கு அபிசேகம் செய்வதால் எந்த பலனும் இல்லை அவரவர்களுக்குரிய‌
பலன்களை நேரம் காலம் வரும்போது அவரவர்கள் அனுபவிப்பார்கள் என்று கூறினேன்.தாம்
ஒரு இஞ்சினியரிங் பட்டதாரி என்றும் தனக்கு நிறைய சிவன் கோவில்களை தரிசிக்கும் எண்ணம் இருப்பதாகவும் சரியான வேலை இல்லாமல் அப்பாவிடம் பணம் கேட்டு தன்னால்
சிவஸ்தலங்களை தரிசிக்கமுடியாமல் சொந்த ஊரான ராமேஸ்வரம் கோவிலிலேயே கிடப்பதாக வருத்தப்பட்டார்.ராமேஸ்வரம் அருகில் உள்ள ஊர் என்பதால் நான் அடிக்கடி செல்வதுண்டு சென்றவுடன் அங்கு
முதலில் இருக்கும் ஆஞ்சனேயர் சன்னதியில் சுவாமி தரிசனம் செய்துவிட்டு விநாயகர்,ராமநாதர்.பைரவர்,முருகர்,பர்வதவர்த்தினியை தரிசனம் செய்துவிட்டு ஊருக்கு பஸ் ஏறிவிடுவேன்.

அன்று நான் சந்தித்த அன்பர் நான் கோவிலை சுற்றிக்காட்டுகிறேன் என்றார்.நான் நினைத்தேன்
நாம் பலமுறை சுற்றிப்பார்த்த ராமேஸ்வரம் கோவில்தானே எல்லா இடமும் நாம் அறிந்ததுதானே என தவறாக நினைத்தேன்.அந்த அன்பரின் அழைப்பை ஏற்று அவருடன் சென்றேன். நீங்கள் திருவண்ணாமலையிலோ.ராமேஸ்வரத்திலோ பிரகாரங்களில் சுற்றி வருப்போது நிறைய லிங்கங்கள் இருக்கும் சில லிங்கங்களை கேட்பாரற்று கோவில் நிர்வாகம்
போட்டிருக்கும் அப்படி உள்ள லிங்கங்களை சுத்தம் செய்வதை ஒரு பணியாக செய்து வருகிறார்
அந்த இளைஞர்.அன்றும் அப்படித்தான் ஒரு லிங்கம் இருக்கும் சன்னதிக்கு கூட்டிசென்றார் நீலேஸ்வரர் எனப்பெயரிடப்பட்ட இந்த லிங்கம் பல நூறு வருடங்கள்  பராமரிப்பு இல்லாமல்
தூசி பிடிக்கப்பட்டு கிடந்தது.இந்த நண்பரின் சொந்த முயற்சியில் சிவராத்திரியன்றாவது
அதை சரி செய்யவேண்டும் என்று கோவில் நிர்வாகிகளிடம் அந்த சின்ன சன்னதிக்குரிய‌
சாவியை கொடுங்கள் என்று அந்த சன்னதியை சுத்தம் செய்து லிங்கத்தை நன்றாக வில்வ இலைகளால் அலங்காரம் செய்து வைத்திருந்தார்.இன்னொரு சிறப்புத்தகவல் ஒன்றையும் சொன்னார் இந்த லிங்கத்தை இவ்வளவு சிறப்பாக நான் கவனிக்கவேண்டும் நினைத்ததற்க்கு காரணம் இந்த லிங்கம்தான் பல வருடங்களுக்கு முன் தற்போதுள்ள ராமநாதர் சிலைக்கு பதிலாக‌
இருந்த மூலவர் லிங்கம் இவர்தான்.இதை இந்த ஊரிலே இருந்தாலும் யாரும் தரிசித்தது இல்லை
அதற்குரிய பிராப்தம் இருந்ததனால் உங்களுக்கும் எனக்கும் அந்த யோகம் கிடைத்துள்ளது என்றார்.இவ்வளவு பழமையான லிங்கத்தை தரிசித்ததற்க்கு ஓம் சிவ சிவ ஓம் ஜெபித்ததுதான் காரணம் என்று நிறைவான ஒரு காரணத்தை சொன்னார்.மேலும் ஒரு பழமையான உப்புக்கல்லால் செய்யப்பட்ட லிங்கத்தையும் காண்பித்தார்.பல வருடங்களாக அந்த உப்புலிங்கம்
அப்படியே கரையாமல் உப்புக்கல்லாகவே இருப்பதை பார்த்து மிகுந்த ஆச்சரியமடைந்தேன்.
அங்கு யாருக்குமே சரியாக தெரியாத சேதுமாதவர் சன்னதிக்கு கூட்டிசென்றார் கடுமையான பிதுர்தோஷம் உள்ளவர்கள் அனைத்து தீர்த்தத்திலும் நீராடிவிட்டு இந்த சேதுமாதவரை வணங்கினால் கடுமையான பிதுர்தோஷத்தை நீக்குகிறார் எனக்குறிப்பிட்டார்.

எப்போதும் நான் முதலில் வணங்கி விட்டு செல்லும் ஆஞ்சனேயரை கூட்டம் அதிகமாக இருந்ததால் வெளியில் இருந்து சிலையை பார்க்காமல் மனதில் நினைத்து கும்பிட்டுவிட்டு
திரும்பும்போது கும்பிடலாம் என நினைத்தேன்.விடிய விடிய கோவிலில் ஆஞ்சனேயரை வணங்காமல், அதை மறந்து விட்டு தூங்காமல் இருந்ததால் காலையில் ஊருக்கு கிளம்பி விட்டேன்.அடுத்த நாள் தூங்கும்போது ஒரு கனவு ராமாயணக்கதைக்கும் இந்த ராமநாதர் கோவில் உருவாவதற்க்கு
நானும் ஒரு காரணம் என்பதை மறந்துவிட்டாயே என்னை வணங்காமல் வந்துவிட்டாயே என்று
கனவில் அசரீரி போன்ற ஒரு குரல் என்னால் நம்பவே முடியவில்லை .ஆஞ்சனேயரின் சக்தியை நினைத்து அளவற்ற ஆச்சரியமடைந்தேன் இரண்டொரு நாட்களில் அங்கு மறுபடியும் செல்லலாம் என நினைத்துள்ளேன்