கடும் பிரம்மஹத்தி தோஷம் நீங்க‌

சிலருக்கு எதிலும் காரியத்தடங்கள் வந்து கொண்டேயிருக்கும் இவர்களுக்கு திருமணம்,கல்வி,குழந்தைகள்,அனைத்து வகை செல்வங்கள் கிடைப்பதில் கடைசி வரை இழுபறி இருந்து கொண்டே இருக்கும்.நல் அறிவு,நல்ல பழக்கங்கள்,நல்ல உழைப்பு போன்றவை இருக்கும் ஆனால் தகுந்த பலன்கள் கிடைப்பதில்லை எல்லாவற்றிலும் தோல்விதான் இது எதனால் ஏற்படுகிறது என்றால் ஒருவருடைய ஜாதகத்தில் குருவும் சனியும் சேர்ந்து முக்கியமான பாவகங்களில் நின்றால் இத்தகைய பிரம்மஹத்தி தோஷம் ஏற்படும் இந்நிலை அமையப்பெற்றோர் நிலை மிகவும் மோசமாக இருக்கும்.இத்தகைய அமைப்பு இருக்கிறதா என ஓவ்வொருவரும் தங்கள் ஜாதகத்தை பார்க்கவும்.தங்கள் முன்னோர்களில் யாராவது கொலை செய்து இருந்தாலும் நாம் முற்பிறவியில் கடும் பாவம் செய்து இருந்தாலும் இத்தகைய குறையுடய அமைப்பில் பிறக்கும்படி ஆண்டவன் நம்மை படைக்கிறான்.இத்தகைய அமைப்பு உள்ளவர்கள் பயப்படதேவையில்லை

 இதற்க்கு சில பரிகாரங்கள் உள்ளது கடும் பிரம்மஹத்திக்கு திருவிடைமருதூர் கோவில் சிறந்த‌

பரிகார ஸ்தலமாக உள்ளது.பாண்டிய மன்னன் ஒருவனுக்கு அந்தணன் ஒருவனை தெரியாமல் கொன்ற பாவம் பிரம்மஹத்தியாக பிடித்துகொண்டது  சிவபெருமான் மன்னனின் கனவில் சென்று சொல்லி திருவிடைமருதூர் வரச்செய்தார் இவர் கூடவே வந்த அந்தணன் ஆவி கோவில் முன்புற வாசலில் மன்னன் நுழையவும் உள்ளே நுழைய முடியாமல் வாசலிலேயே நின்றுகொண்டது.சிவபெருமானின் அசரீரிகேற்ப உள்ளே சென்ற மன்னன் சுவாமியை வணங்கிவிட்டு சென்று பின் வாசல் வழியாக வெளியேறினான் முன் வாசலில் நின்ற அந்தணன் ஆவி மீண்டும் அவனை பிடித்துவிடலாம் என முடிவு செய்து இன்னும் பிடிக்கமுடியாமல் நிற்பதாக ஐதீகம் இதற்கேற்ப இங்கு பிரம்மஹத்தி தோஷபரிகாரம் செய்யப்படுகிறது.இங்கு உள்ள மகாலிங்க சுவாமியையும் மூகாம்பிகை அம்மனையும் வணங்கிவிட்டு பின் வாசல் வழியாக வெளியே செல்ல வேண்டும்

குறிப்பு; பிரம்மஹத்தி பரிகாரம் செய்ய காலை மட்டுமே நல்ல நேரம் இரவில் எந்த தோஷபரிகாரமும் இக்கோவிலில் செய்வது கிடையாது. இது செய்ய முடியாதவர்கள் ராவணனை கொன்ற பிரம்மஹத்தி நீங்க ராமன் ராமேஸ்வரம் அருகே தேவிபட்டினத்தில் நவபாஷாணத்தில்கடலில் கிரகங்களை அமைத்து பிரம்மஹத்தி தோஷம் நீங்கபெற்றான்.இங்குள்ள பிராமணர்களை வைத்தும் தோஷம் நீக்கலாம்.ராமேஸ்வரத்திலும் இதற்குரிய யாகங்கள் பிரம்மஹத்தி நீக்கலாம்

இது வசதியுள்ளவர்களால் செய்யப்படும் பரிகாரம் இதற்க்கு மாற்றாக எளிய பரிகாரத்தை சிவ சேதுபாண்டியன் என்ற ஜோதிடர் எழுதி இருந்தார் இதோ அந்த பரிகாரம்

நல்லெண்ணெய்,விளக்கெண்ணேய்,நெய்,இழுப்பை எண்ணெய்,வேப்ப எண்ணெய் இவை அனைத்தும் அரைலிட்டர் எடுத்துக்கொள்ளுங்கள் இவைகளை ஒன்றாக கலந்துகொள்ளுங்கள்

பழமையான சிவாலயத்திற்க்கு சென்று பலிபீடம்,கொடிமரம்,கொடிமர நந்தி,துவாரபாலகர்,வாயில் கணபதி,அதிகார நந்தி,சூரியன்,சந்திரன்,சமயக்குறவர்கள்,சப்த கன்னிமார்கள்,சுரதேவர்,தட்சிணாமூர்த்தி,கன்னிமார் அருகில் உள்ள கணபதி,சாஸ்தா பீடம்,வள்ளி தெய்வானையுடன் உள்ள முருகன்,சனீஸ்வரர்,சண்டிகேஸ்வரர்

காலபைரவர்,சிவன் சன்னிதி,அம்பாள் சன்னிதி மற்ற அனைத்து தெய்வங்களுக்கும் அகழ் விளக்கு உங்கள் கைகளால் ஏற்றி வழிபடவும் பின்பு அம்பாள்,சிவன் சன்னதிகளில் பூ,பழம்,தேங்காய்,வெற்றிலை பாக்கு,சூடம்,பத்தி இவைகளை அர்ச்சகர் மூலம் அர்ச்சனை செய்யவேண்டும் இப்படிச்செய்தால் கடும் தடைகள் மாறி பிரம்மஹத்தி விலகி சிவனருளால் நல்லதே நடக்கும்

கோரக்கசித்தரின் ஜீவசமாதி

கோரக்கசித்தரின் ஜீவசமாதி நாகப்பட்டினம் மாவட்டம் வடக்குபொய்கை நல்லூரில் உள்ளது.மிகவும் சக்திவாய்ந்ததாக கருதப்படும் இந்த இடத்தில் மக்கள் கூட்டம் அலைமோதிய வண்ணம் உள்ளது.குறிப்பாக பெளர்ணமி தினங்களில் கட்டுக்கடங்காமல் அலைகடலென மக்கள் கூட்டம்

 அலைமோதுகிறது.இன்றும் பலருக்கு இங்குள்ள கோரக்கர் அருளால் பலவித நோய்கள்,குடும்பபிரச்சினைகள் குறைவதாக நம்பிக்கையுடன் வந்து இவரை மனமுருக வழிபடுகிறார்கள்.ஐப்பசி மாதம் பெளர்ணமியன்று மிக கோலாகலமாக கோரக்கருக்கு விழா நடப்பது
குறிப்பிடத்தக்கது.பழனிமுருகன் சிலையை போகர் செய்தபோது அதற்க்கு உறுதுணையாய் இருந்த சித்தர்களில் கோரக்கரும் ஒருவர்.கோரக்கர் துறவியாதலால் அன்னக்காவடி எடுத்து யாசகம் பெற்று உண்பவர் ஒருமுறை இந்த ஊரில் உள்ள செட்டியாரின் மனைவி தன் கணவருக்கு உணவு எடுத்துசென்றார்.செல்லும்போது கோரக்கமுனிவர் அன்னக்காவடி சுமந்து வந்து கொண்டிருந்தார் தனக்கு உணவிடுமாறுகேட்டுகொண்டார் மனமிரங்கிய செட்டியாரின் மனைவி தன் கணவருக்கு கொண்டு சென்ற உணவை கோரக்கருக்கு கொடுத்தார்.சிறிதளவு உணவை மட்டுமே எடுத்துக்கொண்டு சென்ற செட்டியாரின் மனைவி தன் கணவருக்கு சரியான அளவு உணவில்லையே என எண்ணிக்கொண்டு பாத்திரங்களை திறந்தார் உள்ளே ஆச்சரியப்படும் வகையில் பாத்திரங்கள் நிறைய உணவு இருந்தது.தன் கணவரிடம் வரும் வழியில் ஒரு துறவிக்கு பாதி உணவை கொடுத்துவிட்டதாகவும் எவ்வாறு இவ்வளவு உணவு வந்ததென்று தெரியவில்லையென தன் கணவர் செட்டியாரிடம் கூறினார்.இருவரும் துறவிக்கு உணவுகொடுத்த இடத்திற்க்கு வந்து பார்த்தனர் ஆனால் ஆச்சரியப்படும் வகையில் கோரக்கர் மறைந்துவிட்டார்.இந்த இடத்தில் கோரக்கருக்கு ஒரு கோவில் எழுப்பி வழிபாடு நடத்தி வரும் இடமே இதுவாகும்.கோரக்கர் அன்னக்காவடி எடுத்து சாப்பிடுவதன் பொருட்டு இங்கு
தினமும் இரண்டு சாமியார்கள் அன்னக்காவடி எடுத்து வருகின்றனர்.அதாவது இரவு எட்டு மணிக்கு வெளியில் பல வீடுகளில் பலவித உணவுகளை பெறுகின்றனர் அவற்றை கொண்டு வந்து கோரக்கருக்கு இரவு பூஜைக்கு படைக்கின்றனர்.படைத்த உணவை வாங்கி சாப்பிட்டால் குழந்தைபேறு இல்லாதவர்கள்,பலவித நோய்கள் பிரச்சினைகளால் துன்பப்படுபவர்களுக்கு
அனைத்தும் பிரச்சினைகளும் தீர்ந்து நலமுடன் வாழ்வதாக நம்பப்படுகிறது.

கண்ணதாசனின் இனிய குரலிலேயே அர்த்தமுள்ள இந்து மதம் எம்.பி 3 அனைத்து பாகங்களும் டவுன்லோடு செய்து கேட்க‌

இங்கு சொடுக்குக http://findtamilmp3.blogspot.in/2008/10/download-arthamulla-indhu-madham.html

மாந்த்ரீகம் தெரிந்து கொள்ள யட்சிணி வசியம் முக்காலம் அறிய‌

மாந்தீரிகம் பற்றி அறிந்து கொள்வதற்க்கு தமிழில் இரண்டு தளங்கள் இயங்குகின்றன இவற்றில் ஆர்வமுள்ளோர் இந்த தளத்திற்க்கு செல்லலாம் இங்கு கிளிக்குக‌ AND OTHER WEBSITE LINK NO 2

http://ganesapandian.blogspot.in/2012/09/blog-post_3476.html

சீர்காழி கோவிந்தராஜன்,வாணி ஜெயராம் குரல்களில் கந்த சஷ்டி கவசம் டவுன்லோட் செய்ய‌

வணக்கம் ஆன்மிக அன்பர்களே கடந்த சில மாதங்களாக என்னால் சில காரணங்களால் தொடர்ந்து எழுத முடியவில்லை சில பணிச்சுமைகள் வெளியூர் சென்றது போன்றவைதான் காரணம். இனிமேல் தொடர்ந்து எழுதலாம் என நினைத்துள்ளேன்.

கந்த சஷ்டி கவசம் கேட்பது ஒரு இனிமையான அனுபவம் அதுவும் சூலமங்களம் சகோதரிகள் குரலில் கேட்பது பரவசமூட்டும் அனுபவம்.அநேகமாக பெரும்பாலோனோர் இவர் குரலில் கந்த சஷ்டி கவசம் கேட்டிருப்பர் இவர்களை போலவே அனைவரையும் கவர்ந்திழுக்கும் காந்தக்குரல் ஒன்று உள்ளது அதுதான் சீர்காழி கோவிந்தராஜன் அவர்களின் குரல் இதேபோல் வாணி ஜெயராம் அவர்கள் குரல் இருவர் குரலிலும் கந்த சஷ்டி கவசம் டவுன்லோட் செய்ய கீழ்க்கண்ட லிங்குகளை கிளிக்கவும்

http://www.penmai.com/forums/mantras/35781-kantha-sasti-kavasam-mp3-seergali-govindarajan.html

http://www.penmai.com/forums/mantras/35783-kantha-sashti-kavasam-mp3-vani-jayaram.html

அம்மி மிதித்து அருந்ததி பார்ப்பதன் நோக்கம்

கோவிலுக்கு செல்பவர்கள் ஆன்மிக அன்பர்கள் அவசியம் படிக்கவேண்டிய அற்புதமான பதிவு

கோவில் நமக்கு எவ்வாறு புத்துணர்வு தருகிறது

கோவில் இல்லா ஊரில் குடியிருக்கவேண்டாம் என்பார்கள் அப்படியென்றால் தெய்வம் கோவிலில் மட்டும்தான் குடியிருக்கிறதா என்று கேட்பவர்கள் உண்டு.கோயில் என்பது தெய்வத்தின் இருப்பிடம் மட்டுமில்லை.கோயில் என்பது விஞ்ஞானபூர்வமாக மனிதனுக்கு உடல் ரீதியாகவும் மனரீதியாகவும் பல நன்மைகள் செய்வதற்காக அமைக்கப்பட்ட ஒரு கிளினிக் என்றே சொல்லாம்.சாஸ்திரப்படி அமைக்கப்படும் கோவில்கள்.பூமியின் காந்த அலைகள் அடர்த்தியாக பாயும் இடத்தின் அமைகின்றன ஊர்க்கோடியிலோ,ஊர் நடுவிலோ,மலையுச்சியிலோ எங்காயினும் கோயிலுக்கென்று இடம் அந்தக்காலத்தில் அமைக்கப்பட்டது இந்த அடிப்படையில்தான் இந்த உயர்காந்த அலைகள் அடர்ந்திருக்கும் இடத்தின் மையப்பகுதியில் கர்ப்பகிரகம் அமைக்கப்படுகிறது.அதனால்தான் கர்ப்பகிரகத்தில் மூல விக்கிரகத்தில் அடியில் யந்திரங்கள் பதித்தார்கள்.சில உயரிய மந்திரங்கள் பொறிக்கப்பட்ட செப்புத்தகடுகளே யந்திரங்கள்.பூமியின் காந்த அலைகளை செப்புத்தகடுகள் உள்வாங்கி சுற்றுப்புறத்துக்கு அதைப்பாய்ச்சுகிறது.இந்த விஞ்ஞான அடிப்படையில்தான் மின்சாரத்தை கொண்டுசெல்ல செப்புக்கம்பிகளை உபயோகபடுத்துகின்றனர்.கர்ப்பகிருகத்தை பிரதட்சணமாக சுற்றும் பக்தர்களின் உடலில் தானாகவே இந்த காந்த சக்தி உடலில் கணிசமாக ஏறுகிறது.

இதனால் உடலில் பாஸிடிவ் எனர்ஜி உண்டாகிறது இந்த சக்தி பூரணமாக பக்தர்களை சென்றடைவதற்காகவும் மூலஸ்தானம் மூன்றுபக்கமும் பெரிய ஜன்னல்கள் இல்லாமல் அடைக்கப்படுகிறது.இதனால் கர்ப்பகிருகத்துக்கு வெளியில் நின்று தரிசிக்கும் பக்தர்களின் மேல் யந்திரத்தின் காந்தசக்தி முழுதாக பாயமுடிகிறது மூலஸ்தானத்தின் ஏற்றப்படும் விளக்குகள் உஷ்ண சக்தியை வெளிச்சசக்தியை பாய்ச்சுகிறது கோயிலில் ஒலிக்கும் மணிச்சத்தமும் பூஜை மந்திரங்களும் நல்ல எனர்ஜியை தருகிறது

கற்பூரத்தின் மணமும் கடவுளுக்கு சூடும் மலர்களின் மணமும் ரசாயன சக்தியை தருகிறது இவை காந்த சக்தியுடன் இணைந்து பக்தர்களுக்கு மிக உன்னதமான சக்திகளை அளிக்கிறது.கோயில் கர்ப்பகிருக பூஜை சாமான்களை பாருங்கள் செம்பினாலான செம்பு கலந்த பாத்திரங்கள் ஆகவே உள்ளன காந்த சக்தி விரைவாக பாய்வதற்க்கு இந்த பாத்திரங்களும் உதவிபுரிகின்றன பூஜை முடிந்ததும் பக்தர்களுகு வழங்கப்படும் தீர்த்தத்தில் ஏலக்காய்,துளசி,கிராம்பு போன்றவை கலக்கப்படுகின்றன.இந்தப்பண்டங்கள் எல்லாமே மனித ஆரோக்கியத்துக்கு உதவுவதால் தீர்த்தம் புனிதமானதாக மட்டுமில்லாமல் உடல் வளத்துக்கு உபயோகமானதாகவும் ஆகிறது.பெருமாள் கோவிலில் மஞ்சளும் குருவாயூரப்பன் கோயில் சந்தனமும் சிவன்கோவில் திருநீறும் அம்மன் கோவில் குங்குமமும் பிரசாதாமாக கொடுக்கப்படுகின்றன.இவை எல்லாமே மருத்துவகுணமுடையவை

பெருமாள் கோவிலில் தீர்த்தத்தில் கலக்கப்படும் பச்சைகற்பூரம் உடலில் ரத்தக்காயம் ஏற்பட்டால் செப்டிக் ஆகாமல் இருப்பதற்க்கு தடவுவோமே பென்சாயின் அது இதில் இருந்துதான் தயாரிக்கப்படுகிறது

கர்ப்பகிருகத்தில் நம்மேல் பாயக்கூடிய பாஸிடிவ் காந்த அலைகளை பெற்றுக்கொள்வதற்காகத்தான் பல கோயில்களில் ஆண்கள் சட்டை அணியாமல் வரவேண்டும் என்று சொல்கிறார்கள்.பொதுவாக பெண்கள் அணியும் தங்கநகைகள் கலந்திருக்கும் செம்பின் மூலம் அவர்களுக்கும் இதே எனர்ஜி கிடைக்கிறது

கோவிலை 11 முறை 108 முறை என்று அவரவர் தேக செளகரியத்துக்கு ஏற்ப பிரதட்சணம் செய்யும்போது நமது உடலின் கொழுப்பு தானாக எரிந்து ஆரோக்கியம் கூடுகிறது.அந்தக்காலத்தில் கோவிலுக்கு சென்று பிரதட்சணம் செய்ததாலே சர்க்கரை வியாதி,ரத்த அழுத்தம் போன்ற வியாதிகள் பெருமளவில் குறைந்தன.சுலோகங்களும் வேத கோஷமும் கேட்கும்போது இன்னும் மனது வலுவடைகிறது

அந்த காலத்தில் கோவில் சமுதாயக்கூடங்களாகவும் நாட்டியம் .சங்கீதம் இலக்கியம் போன்ற கலைகளை போன்ற கலைகளை ஊக்குவிக்கும் கலைக்கூடங்களாக இருந்தன கோவில் என்பது ஒரு இடம் மட்டுமல்ல ஒரு இன்ஸ்டியூசனும் கூட.

நன்றி

திரிசக்தி மாத இதழ் ராஜரிஷி எழுதிய சொன்னது நம்மாளு